کوئٹہ کی ضلعی انتظامیہ نے شہر کے مختلف پکنک پوائنٹس پر سیکیورٹی صورتحال کے پیش نظر عام عوام اور سیاحوں کے لیے عارضی طور پر بند کر دی۔
ڈپٹی کمشنر کوئٹہ مہراللہ بادینی کے مطابق یہ عارضی پابندی امن وامان کی موجودہ صورتحال کے باعث لگائی گئی ۔ پابندی کے تحت ہنہ اُڑک، ہنہ جھیل، سرہ خلہ، کرخسہ، چلتن نیشنل پارک اور شعبان سمیت مختلف تفریحی مقامات پرجانے پر مکمل پابندی عائد کردی گئی ہے۔
ڈپٹی کمشنر کوئٹہ نے متعلقہ ایس ایچ اوز اور انتظامی افسران کو ہدایت کی کہ پابندی پر سختی سے عملدرآمد یقینی بنایا جائے اور تفریحی مقاصد کے لیے آنے والے افراد کو واپس بھیجا جائے۔
ضلعی انتظامیہ نے شہریوں سے اپیل کی ہے کہ وہ صورتحال کے پیش نظر حکومتی ہدایات پر عمل کریں اور انتظامیہ کے ساتھ تعاون کریں۔
