لاہور میں ایم پی اے ثاقب چدھڑ کے وکیل میاں علی اشفاق نے کہا ہے کہ ثاقب چدھڑ اور ان کی اہلیہ نے این سی سی آئی اے کو اپنا مفصل بیان ریکارڈ کرا دیا ہے۔
میڈیا سے گفتگو کرتے ہوئے میاں علی اشفاق کا کہنا تھا کہ چار گھنٹے تک طویل سوال جواب ہوئے۔انہوں نے کہا کہ ان کے پاس دو ٹوک اور واضح ثبوت موجود ہیں جبکہ کیس میں تفتیش کے کئی مراحل ابھی آگے بڑھیں گے۔
میاں علی اشفاق کے مطابق درجنوں ایسے شواہد پیش کیے گئے ہیں جن کا فرانزک بھی ہوسکتا ہے۔انہوں نے کہا کہ اس معاملے میں وہ خود وکٹم ہیں اور ذاتی طور پر سمجھتے ہیں کہ وہ اس مرحلے میں کامیاب ہوئے ہیں۔
