امریکی میڈیا کے مطابق ایران اور امریکا کے درمیان ممکنہ معاہدے میں مزید چند دن لگ سکتے ہیں۔
سی این این کے مطابق معاہدے کا انحصار اس بات پر ہے کہ ایران مطلوبہ دستاویزات کتنی جلدی تیار کرتا ہے۔
امریکی عہدیداروں کا کہنا ہےکہ زیرغورمفاہمتی یادداشت میں جنگ بندی، آبنائے ہرمز کی بحالی اور ایران کے جوہری پروگرام سے متعلق ایک ابتدائی فریم ورک شامل ہوگا،حتمی معاہدے سے قبل الفاظ اور شرائط پر مزید تبادلہ خیال جاری ہے۔
سی بی ایس نیوز کےمطابق سپریم لیڈر تک پیغام رسانی میں مشکلات معاہدے میں تاخیر کی ایک بڑی وجہ ہیں،جبکہ بعض امریکی میڈیا رپورٹس میں دعویٰ کیا گیا ہے کہ ایرانی سپریم لیڈر ایک خفیہ مقام پر موجود ہیں جہاں تک رسائی محدود ہے۔
رپورٹس کےمطابق مجتبیٰ خامنہ ای تک پیغامات پہنچانے میں بھی وقت لگ رہا ہے، جس سے مذاکراتی عمل متاثر ہو رہا ہے۔
