رواں مالی سال پاکستان کو ملنے والے بیرونی قرضوں میں 4 ارب 98 کروڑ ڈالر کا اضافہ ہوا ہے، مالی سال کے پہلے دس ماہ میں گیارہ ارب ڈالر سے زائد کا قرض اور گرانٹس لی گئیں۔
رپورٹ کےمطابق مالی سال 2025-26 کےپہلےدس ماہ میں مختلف ممالک اورمالیاتی اداروں سے مجموعی طور پر 11 ارب ڈالر سے زائد قرض اور گرانٹس حاصل کی گئیں۔
گزشتہ مالی سال کے پہلے 10 ماہ کےمقابلےمیں 82 فیصد زیادہ قرض حاصل کیا گیا،گزشتہ سال اسی مدت میں 6 ارب ڈالر یعنی 1 ہزار 696 ارب روہے قرض ملا تھا۔
دستاویز کے مطابق رواں سال یہ اضافہ تقریباً 82 فیصد تک پہنچ گیا ہے،صرف اپریل 2026 میں 4 ارب 47 کروڑ ڈالر کے فنڈز موصول ہوئے،آئی ایم ایف سے ملنے والا 2.5 ارب ڈالر کا قرض اس کے علاوہ ہے۔
رپورٹ کےمطابق جولائی تا اپریل کےدوران 8 ارب 31 کروڑ ڈالرنان پراجیکٹ ایڈ اور 2 ارب 75 کروڑ ڈالر پراجیکٹ ایڈ کی مد میں حاصل ہوئے۔ اسی دوران 12 کروڑ ڈالر کی گرانٹس بھی موصول ہوئیں۔
سعودی عرب نےپاکستان کو موخر ادائیگی پر ایک ارب ڈالرکا تیل فراہم کیاجبکہ 3 ارب ڈالر کے نئے ڈپازٹس بھی دیے گئے،رواں مالی سال 26-2025 کےدوران مجموعی 19 ارب 39 کروڑڈالرقرض لینےکا تخمینہ ہے۔
