اسرائیلی حراست میں فلوٹیلا کے ارکان کو بدترین تشدد کا سامنا ہے۔
فلسطینی تنظیم عدلہ امدادی کارکنوں پر تشدد سے متعلق جاری رپورٹ کے مطابق اسرائیل نے امدادی کارکنوں کو نفسیاتی اور جسمانی تشدد کانشانہ بنایا۔ انہیں برقی جھٹکے بھی دیئے گئے۔درجنوں ارکان میں پسلیاں ٹوٹنے اور سانس لینے میں دشواری کا بھی سامنا ہے۔
رپورٹ کے مطابق امدادی کارکن انتہائی تکلیف میں ہیں، ان کی زندگی کو خطرہ ہے۔ فلسطینی تنظیم کے مطابق انہوں نے فلوٹیلا کارکنوں کو قانونی مشاورت فراہم کی، شدید پابندیوں کے باعث وکلا زیرحراست افراد سے ملاقات نہ کرسکے۔
گرفتاری کے وقت ٹیرز گن اورربرکی گولیاں استعمال کی گئیں۔ متعدد خواتین کے حجاب زبردستی اتارے گئے۔ گرفتار امدادی کارکن گھٹنوں کے بل بیٹھے ہیں۔ انہیں ہتھکڑیاں بھی لگائی گئیں، تاریخ کی بدترین بدسلوکی ان کے ساتھ کی گئی۔
