محکمہ موسمیات نے ملک کے بیشتر علاقوں میں آج موسم گرم اور خشک رہنے کی پیشگوئی کی ہے تاہم متعدد مقامات پر بارش کا بھی امکان ہے۔
محکمہ موسمیات کے مطابق اسلام آباد میں مطلع جزوی ابر آلود، چند مقامات پر بارش کا بھی امکان ہے، خیبرپختونخوا کے بیشتر اضلاع میں مطلع جزوی ابر آلود رہنے کا امکان ہے۔
دیر، سوات، مالم جبہ، باجوڑ، کالام میں بارش متوقع ہے، چترال، بونیر، کوہاٹ، ایبٹ آباد میں بھی چند مقامات پر بارش کا امکان ہے۔ پشاور، صوابی، مردان، مالاکنڈ، بنوں، ڈی آئی خان میں بارش کا امکان ہے۔
پنجاب کے بیشتر اضلاع میں موسم گرم اورخشک رہنے کا امکان ہے، راولپنڈی، جہلم، چکوال، اٹک، مری، گلیات میں چند مقامات پر بارش متوقع ہے۔ گجرات، سیالکوٹ، گوجرانوالہ، سرگودھا، میانوالی میں بارش کا امکان ہے۔
سندھ کے بیشتر اضلاع میں موسم گرم اور خشک رہے گا، سندھ کے بالائی اضلاع میں موسم شدید گرم رہنے کا امکان ہے، بلوچستان کے بیشتر اضلاع میں موسم گرم اورخشک رہنے کا امکان ہے تاہم ژوب، سبی، بارکھان، موسیٰ خیل میں چند مقامات پر بارش متوقع ہے۔
