وزیراعظم شہبازشریف نے ترقیاتی منصوبوں کیلئے بہتر کارکردگی والی وزارتوں کو ترجیحی فنڈنگ دینے کا اعلان کردیا۔وزیراعظم کا کہنا ہے کہ عوام کا پیسہ صرف ایسے منصوبوں پر خرچ ہوگا جن کے نتائج یقینی ہوں۔۔آبی ذخائر اور پن بجلی منصوبے حکومت کی اولین ترجیحات میں شامل ہیں
وزیراعظم شہبازشریف کی زیرصدارت موجودہ اور آئندہ مالی سال کے ترقیاتی منصوبوں سے متعلق اہم جائزہ اجلاس ہوا جس میں پی ایس ڈی پی، مجوزہ منصوبوں اور درکار فنڈز پر بریفنگ دی گئی۔۔اجلاس میں داسو، دیامر بھاشا اور مہمند ڈیم سمیت مختلف آبی ذخائر اور پن بجلی منصوبوں کی پیش رفت سے بھی آگاہ کیا گیا۔۔
وزیراعظم نے ہدایت کی کہ بہتر کارکردگی والی وزارتوں کے ترقیاتی منصوبوں کو ترجیحی بنیادوں پر فنڈز فراہم کیے جائیں گے جبکہ ایسے منصوبوں میں عوام کا پیسہ لگایا جائے گا جن کے نتائج واضح اور یقینی ہوں۔۔شہبازشریف نے کہا کہ پانی ذخیرہ کرنے اور پن بجلی کے منصوبے ترقیاتی بجٹ کی اولین ترجیحات میں شامل ہیں جبکہ ترقیاتی منصوبوں میں پبلک پرائیویٹ پارٹنرشپ کی زیادہ حوصلہ افزائی کی جائے۔۔
اجلاس میں وزیراعظم نے پانڈا بانڈز کے کامیاب اجرا اور عالمی مارکیٹ میں اس کی پذیرائی کو سراہا جبکہ ریلوے، آئی ٹی اور وزارت پاور کی کارکردگی کی تعریف بھی کی۔
