مفاد عامہ کے پیش نظر پنجاب حکومت کا بڑا فیصلہ،پبلک ٹرانسپورٹ کے کرایوں میں کوئی اضافہ نہیں کیا جائیگا، عملدرآمد یقینی بنانے کے لیے ڈپٹی کمشنر و ریجنل ٹرانسپورٹ اتھارٹیوں کو ٹاسک سونپ دیا گیا۔
ٹرانسپوٹرز نے کرائے نہ بڑھانے پر آمادگی کا اظہار کر دیا۔حکومتی احکامات پر محکمہ ٹرانسپورٹ نے ٹرانسپورٹرز سے کرائے نہ بڑھانے کے بیان حلفی لے لیے۔مختلف نجی ٹرانسپورٹ کمپنیوں کی جانب سے کرایوں میں اضافہ نہ کرنے کا بیان حلفی جمع کروا دیا گیا۔سیکرٹری آر ٹی اے لاہور رانا محسن کا کہنا ہے کہ کرایوں میں خود ساختہ اضافہ کرنے والوں کے خلاف کاروائی کریں گے،تمام بس اڈوں پر چھاپہ مار ٹیمیں متحرک کر دی گئیں،حکومتی فیصلے کی خلاف ورزیوں پر۔سخت کاروائیاں عمل میں لائی جائیں گی۔ٹرانسپوٹرز کی جانب سے خود ساختہ پانچ فیصد پبلک ٹرانسپورٹ کا کرایہ بڑھایا گیا تھا۔
