تحریک انصاف نے پیٹرولیم مصنوعات کی قیمتوں میں ہوشربا اضافے کو عوامی استحصال قرار دیتے ہوئے فیصلہ واپس لینے کا مطالبہ کر دیا۔ اسد قیصر نے کہا مہنگائی اور بے روزگاری سے ملک کے عوام شدید پریشان ہیں۔ سی این جی کی بندش اور مہنگے پیٹرول نے عوام کی مشکلات بڑھا دیں۔
پی ٹی آئی ترجمان نے کہا کہ حکمرانوں نے عوام کو مہنگائی کے سمندر میں ڈبونے کا فیصلہ کرلیا ہے۔ ڈیزل اور پیٹرول کی حالیہ قیمتیں معیشت پر حکومتی کنٹرول کے مکمل خاتمے کا اعلان ہے۔ اضافہ محض اعداد و شمار کا کھیل نہیں، بلکہ ہر گھر کے چولہے پر حملہ ہے۔
ٹرانسپورٹ کرایوں میں اضافہ اور اشیائے خورونوش کی قیمتیں بے قابو ہوں گی۔ زراعت کی لاگت میں بھی بے پناہ اضافہ ہوگا۔ عوام کو فوری ریلیف دینے کے لیے جامع حکمت عملی پیش کی جائے۔ سابق اسپیکر قومی اسمبلی اسد قیصر نے بھی ایکس پر پیغام جاری کیا۔ کہا
حکومت نے پیٹرولیم لیوی تاریخ کی بلند ترین سطح پر پہنچا دی۔ ایل پی جی سیلنڈر بھی عام آدمی کی پہنچ سے باہر ہو چکا۔ حکومت اپنی ناکام معاشی پالیسیوں کا بوجھ عوام پر ڈال رہی ہے۔
