محکمہ انسداد دہشت گردی (سی ٹی ڈی) نے صوبے کے مختلف علاقوں میں انٹیلی جنس بیسڈ آپریشن کے دوران کالعدم ٹی ٹی پی اور جماعت الاحرار کے اہم کمانڈر سمیت 14دہشت گردوں کو گرفتار کرلیا۔
ترجمان سی ٹی ڈی کے مطابق کارروائی لاہور، خوشاب، فصیل آباد، گوجرانوالہ، بہاول پور، ٹوبہ ٹیک سنگھ، گجرات اور ساہیوال میں کی گئی، گرفتار دہشت گردوں سےبارودی مواد، اسلحہ، ہینڈ گرنیڈ برآمد کرلیا گیا۔
حکام کے مطابق دہشت گرد اہم تنصیبات پر حملے کی منصوبہ بندی کررہے تھے، رواں ہفتے588 کومبنگ آپریشنز کے دوران 79 مشتبہ افراد گرفتار کیے۔ کومبنگ آپریشنزمیں 25 ہزار سے زائد افراد سے پوچھ گچھ کی گئی۔
