خیرپور میں مبینہ پولیس کارروائی میں آٹھ سال کی بچی سمیت تین افراد مارے گئے۔
شاہ لطیف تھانے کے علاقے لونگ فقیر کے قریب گاؤں سعید لاکھو میں مبینہ طور پر پولیس نے کارروائی کی ہے جس کے نتیجے میں صدرالدین اور ضامن دھاریجو موقع پر ہلاک ہوگئے جبکہ آٹھ سال کی بچی علیشہ سمیت دو افراد زخمی ہوگئے جن کو سول اسپتال داخل کیا گیا ہے جہاں بچی دوران علاج انتقال کرگئی۔
واقعے کےخلاف ورثاء نے لاشیں پرانی قومی شاہراہ پر ایس ایس پی آفس کے سامنے رکھ کر احتجاجی دھرنا دے دیا اس موقع پر ورثاء نے الزام لگاتے ہوئےکہا ہےکہ پولیس نے رات کے وقت ہمارے گھروں پر حملہ کیا ہے جس کے نتیجے میں ہلاکتیں ہوئی ہیں
جب تک واقعے میں ملوث اہلکاروں کے خلاف کارروائی نہیں ہوگی دھرنا جاری رہےگا،خیرپور پولیس ترجمان نے واقعے سےلاعلمی کااظہارکرتےہوئے بتایاکہ یہ کارروائی سکھرپولیس نےکی ہے اورکارروائی سے قبل ہمیں اطلاع نہیں دی گئی۔
