چیف الیکشن کمشنر نے گلگت بلتستان اسمبلی انتخابات کا شیڈول جاری کردیا ، گلگت بلتستان میں انتخابات 7 جون کو تمام 24 حلقوں میں ایک ساتھ ہونگے۔
گلگت بلتستان اسمبلی کے 24 حلقوں میں پولنگ 7 جون 2026 کو ہوگی ۔چیف الیکشن کمشنر گلگت بلتستان راجہ شہباز خان نےانتخابی شیڈول کا اعلان کرتے ہوئے کہا کہ کاغذات نامزدگی 16 سے 20 اپریل تک جمع ہوں گے۔ امیدواروں کی ابتدائی فہرست 21 اپریل کو جاری ہوگی اور کاغذات کی جانچ پڑتال 28 اپریل تک مکمل ہوگی ۔
اپیلوں پر فیصلے 9 مئی تک کیے جائیں گے۔ امیدوار 11 مئی تک کاغذات واپس لے سکیں گے۔ انتخابی نشانات اور حتمی فہرست 12 مئی کو جاری ہوگی۔ چیف الیکشن کمشنر کا کہنا ہے کہ گلگت بلتستان میں شفاف اور غیر جانبدار انتخابات کیلئے انتظامات مکمل کر لئے ہیں اورتمام اداروں کے تعاون سے پرامن انتخابات یقینی بنائیں گے۔ بلدیاتی انتخابات 14 جون کو ہونگے ۔
بلدیاتی انتخابات کا بھی شیڈول جلد جاری ہوگا ۔ تمام 10 اضلاع میں ضلعی ریٹرننگ افسران اور 24 حلقوں کے ریٹرننگ آفیسرز کی تعیناتی بھی الیکشن کمیشن نے کردی ہے۔
