برازیل ویمنز ٹیم کی فاسٹ بولر لورا کارڈوسو نے ٹی 20 انٹرنیشنل کرکٹ میں غیر معمولی ریکارڈ قائم کیا۔
لورا کارڈوسو ایک اننگز میں 9 وکٹیں حاصل کرنے والی دنیا کی پہلی انٹرنیشنل پلیئر بن گئیں، لیسوتھو ویمنز ٹیم کے خلاف میچ میں کارڈوسو نے صرف 4 رنز دے کر 9 وکٹیں حاصل کیں۔
اس سے قبل مینز کرکٹ میں بھوٹان کے سونم یشی نے 2025 میں 8 وکٹوں کا ریکارڈ قائم کیا تھا، ویمنز ٹی ٹوئنٹی انٹرنیشنل میں انڈونیشیا کی روحمالیا نے 7 وکٹوں کا ریکارڈ بنایا تھا۔
میچ میں برازیل نے پہلے بیٹنگ کرتے ہوئے 202 رنز بنائے تھے، لورا کارڈوسو کی بہترین باؤلنگ کے باعث لیسوتھو کی ٹیم صرف 13 رنز پر ڈھیر ہوگئی۔ برازیل نے میچ 189 رنز کے بڑے مارجن سے جیت لیا۔
