وفاقی وزیرمواصلات عبدالعلیم خان کا کہنا ہے کہ وطن عزیز کی یکساں ترقی کے خواہاں ہیں، ہر جگہ معیاری سڑکیں بنیں گی۔ زیادہ سیاحت سے مقامی آبادی کو روزگار اور کاروبار ملے گا۔
گلگت بلتستان کے گورنرسید مہدی شاہ نے وفاقی وزیرمواصلات عبدالعلیم خان سے ملاقات کی۔ پاکستان کی سفارتی کامیابی پر دونوں رہنماؤں نے اظہار مسرت کیا اور ایک دوسرے کو مبارکباد دی۔
ملاقات میں مانسہرہ، ناران، کاغان، بابو سرٹاپ سے جھال کھنڈ موٹروے کی تعمیر پر گفتگو ہوئی، وفاقی وزیرمواصلات عبدالعلیم خان نے کہا کہ یہ موٹروے شاہراہِ قراقرم کا متبادل، فاصلہ 100کلومیٹر کم ہوجائے گا، کہا سیاحتی علاقوں میں شاہراہوں کوبہتر سے بہتر بنانا چاہتے ہیں۔
گورنرگلگت بلتستان سید مہدی شاہ کی نشاندہی پر وفاقی وزیرمواصلات نے گلگت بلتستان میں شاہراہوں پرایمرجنسی سروسز 1122کی فراہمی کا وعدہ کیا، وفاقی وزیر مواصلات کی طرف سے گلگت بلتستان کی بہتری کے لئے تعاون کو سراہا۔ گورنرگلگت بلتستان سید مہدی شاہ نے این ایچ اے کی کارکردگی پر اطمینان کا اظہار کیا۔
