بلوچستان کے ضلع سوراب میں سیکیورٹی فورسز نے بڑی کارروائی کرتے ہوئے دہشتگردی کی کوشش ناکام بنا دی۔
پولیس ذرائع کے مطابق کوئٹہ کراچی شاہراہ پر ایک پل کے نیچے نصب کیے گئے 8 بم برآمد کر لیے گئے۔بم ڈرموں میں نصب تھے جن کا مجموعی وزن 300 کلوگرام سے زائد بتایا جا رہا ہے۔
پولیس کا بتانا ہے کہ یہ بم مسلح افراد نے ناکہ بندی کے دوران نصب کیے تھے، جنہیں بروقت کارروائی کے ذریعے ناکارہ بنا دیا گیا۔سیکیورٹی فورسز کی بروقت کارروائی سے ممکنہ بڑے جانی نقصان سے بچاؤ ممکن ہوا اور دہشتگردی کا بڑا منصوبہ ناکام بنادیا گیا ہے ۔
