پی ایس ایل سیزن 11 کے چوتھے میچ میں ملتان سلطانز نے اسلام آباد یونائیٹڈ کو باآسانی 5 وکٹوں سے شکست دے دی۔
قذافی اسٹیڈیم میں کھیلے گئے میچ میں ملتان سلطانز نے اسلام آباد یونائیٹڈ کی جانب سے دیا جانے والا 172 رنز کا ہدف 19ویں اوور میں 5 وکٹوں کے نقصان پر حاصل کرلیا۔
جوش فلپس نے 55 رنز کی شاندار اننگز کھیلی، ان کی اننگ میں 5 چوکے اور 2 چھکے شامل تھے۔ کپتان ایشٹن ٹرنر نے43 رنز کی ناقابل شکست اننگزکھیلی۔
اس سے قبل اسلام آباد یونائیٹڈ نے مقررہ اوورز میں 8 وکٹوں کے نقصان پر 171 رنز بنائے اور ملتان سلطانز کو جیت کے لیے 172 رنز کا ہدف دیا تھا۔
