پی ایس ایل کے تیسرے میچ میں پشاور زلمی نے راولپنڈیز کو 5 وکٹ سےہرادیا۔
لاہور کے قذافی اسٹیڈیم میں کھیلے جا رہے میچ میں پشاور زلمی نے 215 رنزکا ہدف پانچ گیند پہلے حاصل کرلیا۔ عبدالصمد اورمائیکل بریسویل کی شاندار شراکت نے ہاتھ سے نکلتی بازی کو جیت میں بدل دیا۔
زلمی نے آخری 30 گیندوں پر 77 رنزبنائے ۔ بریسویل نے 17 گیندوں پر 35 رنزکی ناقابل شکست اننگز کھیلی۔ عبدالصمدنے 11 گیندوں پر 33 رنزبنائے ۔ محمدحارث 47 رنزبناکرٹاپ اسکورر رہے۔
کپتان بابراعظم نے 39، کوشال مینڈس نے 31 رنز بنائے ۔ اس سے پہلے راول پنڈیز نے 214 رنز بنائے تھے۔یاسرخان 83 رنز بناکرٹاپ اسکورر رہے ۔ محمدرضوان نے 40 ، کامران غلام نے 37 رنزکی اننگزکھیلی۔
