ملک میں 28 دنوں کے دوران جیٹ فیول کی قیمت میں پانچویں باراضافہ کردیاگیا۔
جیٹ فیول کی نئی قیمت پانچ روپے اضافے کے بعد 476 روپے 97 پیسے کی نئی بلند ترین سطح پر پہنچ گئی۔ یکم مارچ سے اب تک جیٹ فیول کی فی لیٹر قیمت میں 288 روپے کا ریکارڈ اضافہ ہوچکاہے۔ یکم مارچ کو جیٹ فیول کی قیمت 188 روپے لیٹر تھی۔
پی آئی اے نے بھی اپنے کرایوں میں فیول سرچارج وصول کرنا شروع کردیا۔ انٹرنیشنل پروازوں پر فی ٹکٹ 100 ڈالر جبکہ اندورن ملک جانے والی پروازوں کے کرایوں میں 10 ڈالر اضافی فیول سرچارج وصول کیا جارہا ہے۔
ذرائع کے مطابقپ ی آئی اے نے انٹرنیشنل ایئرکارگوسر چارجز میں بھی پر کےجی 80 روپے کا اضافہ کردیا ہے جبکہ ڈومیسٹک پروازوں پر بھی کارگو کی مد میں اضافی رقم وصول کی جارہی ہے۔
