دفاعی چیمپئن لاہور قلندرز نے پی ایس ایل سیزن 11 کے افتتاحی میچ میں کراچی کنگز مین کو 69 رنز سے شکست دیتے ہوئے فاتحانہ آغاز کر دیا ۔
تفصیلات کے مطابق لاہور قلندرز کی جانب سے دیئے گئے 200 رنز کے ہدف کے تعاقب میں کراچی کنگز مین 130 رنز بنا کر آوٹ ہو گئی جس میں مارنس لبوشین 26رنز کے ساتھ ٹاپ سکورر رہے جبکہ میریدتھ 19 رنز بنانے میں کامیاب ہوئے۔
ان کے علاوہ صائم ایوب 17 ، عثمان خان 9 ، کوشال پریرا نے ایک سکور بنایا ۔ عرفان خان 4،رضوان محمود 8،حسان خان 14، عاکف جاوید ایک ، حماداعظم اورمحمد علی 10،10 رنزبناسکے ۔ حارث رؤف،عبیدشاہ،سکندررضا نے 2، 2 وکٹیں حاصل کیں ۔
اس سے قبل لاہور قلندرز نے ٹاس جیت کر بیٹنگ کا فیصلہ کیا اور مقررہ 20 اوورز میں 199 رنز بنائے ۔ جس میں فخر زمان نے 39 گیندوں پر 53 رنز کی شاندار اننگز کھیلی، جبکہ محمد نعیم نے 19 گیندوں پر 30 رنز بنائے۔
حسیب اللہ 28 گیندوں پر 40 رنز بنا کر ناٹ آؤٹ رہے، جبکہ سکندر رضا نے 10 گیندوں پر 24 رنز کی جارحانہ اننگز کھیلی۔ کپتان شاہین شاہ آفریدی نے صرف 2 گیندوں پر 12 رنز بنا کر ٹیم کا مجموعہ مضبوط کیا۔
حیدرآباد کنگز کی جانب سے رلی میریڈتھ نے 39 رنز دے کر 2 وکٹیں حاصل کیں، جبکہ حسان خان نے 30 رنز کے عوض 2 کھلاڑیوں کو آؤٹ کیا۔
