اسلام آباد اور گردونواح سمیت چاروں صوبوں کے متعدد اضلاع میں آج مطلع جزوی ابر آلود رہنے کا امکان ہے ۔ شام کو تیز ہواؤں اور گرج چمک کے ساتھ بارش ہونے کی توقع ہے ۔ بعض مقامات پر ژالہ باری بھی ہو سکتی ہے۔
محکمہ موسمیات کے مطابق خیبرپختونخوا میں وزیرستان ، ڈیرہ اسماعیل خان، خیبر ، باجوڑ، لکی مروت، بنوں، کرک، ہنگو، کوہاٹ میں بھی بارش اور ژالہ باری متوقع ہے۔ پشاور ، چارسدہ ، صوابی ، نوشہرہ ، مردان ، بالاکوٹ ، ایبٹ آباد ، مانسہرہ، بٹگرام، بونیر،مالاکنڈ ، کوہستان ، بونیر ، شانگلہ ، کالام ، سوات میں بھی بارش اور ژالہ باری کی پیش گوئی کی گئی ہے۔
شام کو راولپنڈی، مری،گلیات ، اٹک ، چکوال ، جہلم ، سرگودھا ، میانوالی ، فیصل آباد ، جھنگ ، نورپور تھل ، گجرات ، گوجرانوالہ میں بارش اور ژالہ باری کا امکان ۔ لاہور، حافظ آباد،سیالکوٹ ، نارووال ، پاکپتن ، اوکاڑہ ، قصور، ڈیرہ غازی خان ، بھکر،لیہ،ملتان،کوٹ ادو، بہاولپور ، ساہیوال ، بہاولنگر میں بارش اور ژالہ باری ہو سکتی ہے۔
سندھ کے اضلاع سکھر،خیر پور ، لاڑکانہ ، دادو ، جیکب آباد میں بارش کا امکان ہے۔ بلوچستان میں خاران، خضدار،کیچ، پنجگور میں موسلا دھار بارش اور ژالہ باری کی توقع ۔ کوئٹہ، زیارت ، چمن ، ژوب ،بارکھان، قلعہ عبداللہ، قلعہ سیف اللہ میں بھی بارش اور ژالہ باری کا امکان ہے۔
