وزیر خزانہ محمد اورنگزیب کی زیرصدارت توانائی کی صورتحال پر جائزہ اجلاس ہوا جس دوران شرکا نے ملک میں پیٹرول اورڈیزل کا اسٹاک تسلی بخش قرار دے دیا، وزارت خزانہ کے مطابق مارچ اور اپریل کیلئے پیٹرول کی درآمدات بھی یقینی بنا لی گئیں ہیں۔
وزارت خزانہ کے مطابق تیل کی سپلائی چین مکمل طور پر مستحکم ہے۔ وزیر خزانہ کی زیر صدارت اجلاس کو بتایا گیا کہ ریفائنریز معمول کے مطابق پیداوار جاری رکھے ہوئے ہیں ، عالمی مارکیٹ میں تیل کی قیمتوں پر گہری نظر ہے، حکومت عالمی اورمقامی قیمتوں کےفرق کا جائزہ بھی لے رہی ہے۔
توانائی سپلائی میں خلل سے بچنے کیلئے پیشگی اقدامات اور دوست ممالک کے ساتھ تعاون جاری ہے۔ مارچ اور اپریل کیلئے پیٹرول کی درآمدات یقینی بنا لی گئیں۔ حکومت ہرصورت پیٹرول کی بلا تعطل فراہمی یقینی بنانے کیلئے پرعزم ہے۔ اجلاس مین توانائی سیکیورٹی اور مارکیٹ استحکام کو اولین ترجیح قرار دیا گیا۔
