میلسی کے علاقے فتح پور میں 3 بیٹوں اور والدہ کو تیز دھار آلے سے قتل کردیا گیا۔ چاروں لاشیں گھر سے ملی۔ مقتولین کی شناخت 12 سال کے احسن، 6 سال کے دلشاد، 4 سال کے اسد اور 35 سال کی نسرین بی بی کے نام سے ہوئی۔
واقعے کی اطلاع ملنے پر پولیس نے موقع پر پہنچ کر تحقیقات شروع کردی۔ پولیس سے لاشیں تحویل میں لےکرپوسٹ مارٹم کےلیے اسپتال منتقل کردی۔
ڈی پی او وہاڑی تصور اقبال کا کہنا ہے ابتدائی طورپرقتل کی واردات میاں بیوی میں رنجش لگتی ہے۔ فرانزک ٹیم نے تمام شواہد اکھٹے کرلیے ہیں۔ اصل حقائق تفتیش مکمل ہونے کے بعد سامنےآئیں گے۔
ابتدائی تفتیش میں مقتول بچوں کے والد پر قتل کا شبہ ظاہرکیا گیاہے ۔ ملزم سجاد کو گرفتارکرکےتفتیش جاری ہے۔ مقتول بچوں کا والد 15 روز قبل سعودی عرب سے واپس آیا تھا۔
