سکیورٹی فورسز نے قلات میں آپریشن کے دوران 2 دہشت گردوں کو ہلاک کر دیا۔
پاک فوج کے شعبہ تعلقات عامہ ( آئی ایس پی آر) سے جاری بیان کے مطابق سکیورٹی فورسز نےخفیہ اطلاع پر بلوچستان کے ضلع قلات کے علاقے ناگا پہاڑی میں آپریشن کیا، اس کے دوران سکیورٹی فورسز نے 2 دہشت گردوں کو جہنم واصل کر دیا۔
بیان کے مطابق ہلاک دہشت گردوں سے اسلحہ اور گولہ بارود برآمد ہوا، جبکہ ہلاک دہشت گرد سکیورٹی اور فورسز پر حملوں اورشہریوں ٹارگٹ کلنگ میں ملوث تھے۔
آئی ایس پی آر کے مطابق سکیورٹی فورسز نے قوم کیساتھ مل کر بلوچستان میں امن سبوتاژ کرنے کی کوششیں ناکام بنانے کا عزم کیا ہے اورعلاقے میں مزید دہشت گردوں کی ممکنہ موجودگی پر کلیئرنس آپریشن جاری رہے گا۔
