تئیس مارچ کی تیاریون کے لیے فلائی پاسٹ کی مشقوں کے باعث کراچی، لاہور اور اسلام آباد ایئرپورٹس پر کمرشل پروازوں کو آج صبح بند کردیا گیا۔ پروازوں کی بندش دوپہر ایک بجے تک جاری رہے گی۔
پاکستان ایئرپورٹ اتھارٹی نے پروازوں کے لیے نوٹم جاری کردیا۔ نوٹم کے مطابق فلائی پاسٹ کی مشقیں آج 10 بجے سے دوپہر ایک بجے تک جاری رہیں گی۔ اس دوران کمرشل پروازوں کی اسلام آباد ایئرپورٹ پرٹیک آف اور لینڈنگ بندرہے گی۔ نوٹم میں فضا میں موجود طیاروں کو اضافی فیول ساتھ رکھنے کی بھی ہدایت جاری کی گئی۔
فلائی پاسٹ کے باعث کراچی سے اسلام آباد جانے والی نجی ایئرلائن ایئرسیال کی پرواز کوبھی کراچی ائیرپورٹ روک دیا گیا۔ اسلام آباد ایئر پورٹ پر فضائی آپریشن بحال ہونے کے بعد کراچی ایرپورٹ سے پروازوں کوروانہ کیا جائے گا۔
واضح رہے کہ مشرقِ وسطیٰ میں جاری کشیدگی کے باعث خطے کے فضائی آپریشن بری طرح متاثر ہے، تقریباً 10 ممالک کے فلائٹ آپریشن مسلسل متاثر ہے،پاکستان سے بھی متعدد بین الاقوامی پروازیں منسوخ کر دی گئی ہیں۔
ایوی ایشن ذرائع کے مطابق پاکستان سے دوحہ، بحرین،دبئی اور ابوظہبی جانے والی آج بھی 55 پروازیں منسوخ کردی گئیں،گزشتہ 13 روز کےدوران پاکستان سے مشرقِ وسطیٰ کے لیےمجموعی طور پر 1739 پروازیں منسوخ ہو چکی ہیں۔
