وفاقی کابینہ کی ذیلی کمیٹی برائے ایگزٹ کنٹرول لسٹ نے فرح گوگی اور احسن جمیل گجر کا نام ای سی ایل میں ڈالنے کی سفارش کر دی۔
نگران وفاقی وزیر داخلہ سرفراز بگٹی کی زیر صدارت کابینہ کی ذیلی کمیٹی برائے ای سی ایل کا اجلاس ہوا جس میں ای سی ایل سے متعلق مختلف نوعیت کے کیسز کا جائزہ لیا گیا ۔
اجلاس کے دوران ذیلی کمیٹی نے مختلف محکموں اور ایجنسیز کی طرف سے بھیجے گئے 17 افراد کے نام ای سی ایل میں شامل کرنے کی سفارش کی جن میں فرح گوگی اور احسن جمیل گجر کے نام بھی شامل ہیں۔
خیال رہے کہ اس سے قبل دونوں کے نام اسٹاپ لسٹ میں ڈالے گئے تھے۔
اجلاس کے دوران 7 مختلف نوعیت کے کیسز اور نظر ثانی اپیلز میں سے 5 افراد کے نام ای سی ایل سے نکالنے کی سفارش بھی کی گئی۔
ذیلی کمیٹی کی سفارشات حتمی منظوری کیلئے نگران وفاقی کابینہ کو ارسال کی جائیں گی۔
