وزیراطلاعات عطاتارڑ نے کہا حکومت کی پالیسی بہت فیئر رہی ہے،زیادتی تب ہوتی ہےجب ریڈ لائنز عبور ہوتی ہیں،شہری ریاست پر اعتمادکریں،پاکستان ایران،امریکا تنازع میں بھرپور کردار ادا کر رہاہے۔
وفاقی وزرا اعظم نذیر اور عطااللہ تارڑ نے اسلام آباد میں مشترکہ پریس کانفرنس میں ایران جنگ پر تبصروں میں محتاط رویہ اپنانے کا مشورہ دیدیا،وزیر قانون اعظم نذیر تارڑ نے کہا خارجہ پالیسی سے متعلق بحث سے اجتناب کیا جائے،ریڈلائن کراس ہوگی تو قانون حرکت میں آئے گا،خطے میں کشیدگی کم کرنے کیلئے پاکستان نےسفارتی کوششیں کیں،وزیراعظم خطے کےممالک کے ساتھ رابطے میں ہیں،پاکستان کا اپنے دفاع اور خارجہ پالیسی پر واضح مؤقف ہے۔
وزیراطلاعات عطاتارڑ نےکہاایران پر حملوں کے بعد یہ تنازع دیگرممالک میں پھیلا، تنازع پرپوری دنیا پریشان ہے،جب سےتنازع شروع ہوا، کوشش کی سفارتی حل نکل سکے،ایران پر بلاجوازحملوں کی سب سے پہلےمذمت کی،سپریم لیڈر کی شہادت پر وزیراعظم ،وزارت خارجہ نےبیان جاری کیا،خلیجی دوست ممالک پرحملوں کو بھی اسی نظر سے دیکھا،پاکستان ایک ذمہ دارجوہری ریاست ہےہم تبصرے کرتے ہوئے غیرضروری باتوں میں بھی الجھ رہے ہیں۔
مزیدکہاوزیراعظم تمام رہنماوں سےرابطےمیں ہیں،برادرممالک کےآپس کےمعاملات حل کےلیےکوشاں ہیں، خطہ مشکل دورسےگزرہاہے،مثبت اندازسےدیکھناچاہیے،ہم نےکوشش کرنی ہےکشیدگی میں کمی آئے۔
