وہاڑی میں ماہانہ بنیادوں پر جرائم کی شرح میں نمایاں کمی ریکارڈ کی گئی ہے۔
ترجمان کے مطابق گزشتہ 120 ماہ کے میں فروری 2026 میں جرائم کی شرح سب سے کم رپورٹ کی گئی، جرائم برخلاف پراپرٹی کی کالز میں 71 فیصد کمی، ڈکیتی کے کیسز میں 80 فیصد، رابری میں 55 فیصد موٹر سائیکل چھیننے کے کیسز میں 81 فیصد اور موٹر سائیکل چوری کے کیسز میں 54 فیصد کمی واقع ہوئی۔
ترجمان کے مطابق ضلعی انتظامیہ میں تبدیلی کے بعد جرائم پیشہ افراد اور گروہوں کیخلاف آپریشنز کی بدولت جرائم کا گراف نیچے گر گیا۔ گزشتہ 120 ماہ کے مقابلتا اعداد و شمار کے تجزیے کے مطابق ماہِ فروری 2026 میں جرائم کی شرح میں تاریخی طور پر سب سے کم رپورٹ ہونے کا ریکارڈ قائم ہوا۔
اعداد و شمار کے مطابق مئی 2025 میں کرائم برخلاف پراپرٹی کے 666 کالز رپورٹ ہوئی تھی، جو فروری 2026 میں کم ہو کر 193 رہ گئی اور 71 فیصد کمی دیکھی گئی۔
پولیس ہیلپ لائن 15 کے کال ڈیٹا کی تقابلی رپورٹ کے مطابق ڈی پی او وہاڑی تصور اقبال کی تعیناتی کے بعد جرائم میں کمی کا رجحان مسلسل برقرار ہے اور مختلف نوعیت کے جرائم میں غیر معمولی کمی سامنے آئی ہے۔
سال2026ء کے پہلے دو ماہ میں ڈکیتی کا صرف 1 کیس رپورٹ ہوا جبکہ 2025 میں اسی عرصہ کے دوران 4 اور 2024 میں 5 رپورٹ ہوئے۔ جوکہ 2024 کے مقابلے میں 80 فیصد کم ہیں، سال2026ء کے پہلے دو ماہ میں رابری کے 119 کیسز رپورٹ ہوئے جبکہ 2025 میں اسی عرصہ کے دوران 265 اور 2024 میں 219 کیسز رپورٹ ہوئے۔ جوکہ 2025 کے مقابلے میں 55 فیصد کم ہیں
سال2026ء کے پہلے دو ماہ میں میں موٹر سائیکل چوری کے 113 کیسز رپورٹ ہوئے، جبکہ سال 2025 میں 220 اور سال 2024 میں 248 کیسز رپورٹ ہوئے تھے۔ جوکہ 2024 کے مقابلے میں 54 فیصد کم ہیں، گزشتہ 2 ماہ میں موٹر سائیکل چھیننے کے 12 کیسز رپورٹ ہوئے جبکہ سال 2025 میں 62 اور سال 2024 میں 35 کیسز رپورٹ ہوئے جوکہ 2025 کے مقابلے میں 81 فیصد کم ہیں۔
ڈی پی او وہاڑی تصور اقبال کا کہنا تھا کہ مؤثر حکمت عملی، مربوط کارروائیوں اور جدید ٹیکنالوجی کے استعمال کے باعث جرائم میں کمی کا یہ مثبت رجحان آئندہ بھی جاری رکھا جائے گا۔
