پی سی بی نے بنگلادیش کیخلاف ون ڈے سیریز کیلئے ٹیم کا اعلان کردیا۔
شاہین شاہ آفریدی ون ڈے میں قیادت جاری رکھیں گے، تین میچوں کی سیریز 11 سے 15 مارچ تک ڈھاکا کے شیربنگلا نیشنل سٹیڈیم میں کھیلی جائے گی۔
شاہین شاہ آفریدی (کپتان)، عبدالصمد، ابرار احمد، فہیم اشرف، فیصل اکرم، حارث رؤف، حسین طلعت، معاذ صداقت، محمد رضوان (وکٹ کیپر)، محمد وسیم جونیئر، محمد غازی غوری سعد مسعود، صاحبزادہ فرحان، سلمان علی آغا اور شامل حسین 15 رکنی اسکواڈ کا حصہ ہوں گے جبکہ بابراعظم اور صائم ایوب ون ڈے اسکواڈ سے ڈراپ کردیا گیا ہے۔
قبل ازیں چئیرمین پی سی بی محسن نقوی کی ون ڈے اور ٹی ٹونٹی کپتانوں سے الگ الگ ملاقات ہوئیں، شاہین شاہ آفریدی نے ون ڈے سے متعلق اسٹریٹجی چئیرمین پی سی بی محسن نقوی سے ڈسکس کی۔ ون ڈے سیریز و ورلڈ کپ میں تبدیلیوں کے حوالے سےبھی اہم گفتگو کی گئی۔
سلمان علی آغا نے ٹی ٹوئنٹی ورلڈکپ سے متعلق جامع بریفنگ چئیرمین پی سی بی محسن نقوی کو دی، سلمان علی آغا نے ٹی ٹوئنٹی ورلڈکپ میں ناقص کارکردگی سے متعلق بھی رپورٹ چئیرمین کو پیش کی۔
