امریکی ویزا فراڈ کا ملزم اسلام آباد کی عدالت میں پیش ہو گیا ۔ جوڈیشل مجسٹریٹ نے تین روزہ جسمانی ریمانڈ پر ایف آئی کے حوالے کر دیا ۔
ایف آئی اے کی جانب سے ملزم الشیخ سید سیف الدین کے سات روزہ جسمانی ریمانڈ کی استدعا کی گئی ۔ تاہم جوڈیشل مجسٹریٹ احمد شہزاد گوندل نے تین روزہ جسمانی ریمانڈ منظور کیا۔ ملزم پر امریکا میں جعلی صوفی کانفرنس کیلئے ویزے لگوانے کا الزام ہے ۔ امریکی سفارتخانے کی جانب سے الشیخ سید سیف الدین کیخلاف باقاعدہ شکایت کی گئی تھی ۔ جس پر ایف آئی اے نے مقدمہ درج کر کے ملزم کو گرفتار کیا اور عدالت سے جسمانی ریمانڈ بھی حاصل کر لیا ۔
