سندھ پولیس نے انٹرنیشنل کرکٹر عامر یامین اور صہیب مقصود سے کراچی سے بذریعہ روڈ ملتان جاتے ہوئے رشوت طلب کرلی۔
تفصیلات کے مطابق سندھ پولیس نے پاکستان کے انٹرنیشنل کرکٹرز کو بھی نہ چھوڑا، پولیس نے کرکٹر عامر یامین اور صہیب مقصود سے رشوت طلب کر لی، عامر یامین نے رشوت طلبی کی داستان سوشل میڈیا پر بیان کر دی۔
عامر یامین کا کہنا تھا کہ ہم خوش قسمت ہیں کہ ہم سندھ کی بجائے پنجاب میں رہتے ہیں،زندگی میں پہلی بار کراچی سے ملتان بذریعہ سڑک سفر کیا ہر 50 کلومیٹر کے بعد روک کر پولیس پیسوں کا تقاضا کرتے ہیں اور پیسے نہ دینے پر پولیس اہلکار اسٹیشن لے جانے کی دھمکیاں دیتے ہیں۔
ٹویٹ میں کرکٹر نے لکھا سندھ پولیس میں کرپشن عروج پر ہے،ہمارے بتانے پر بھی کہ ہم انٹرنیشنل کرکٹر ہیں اُسکے باوجود بھی 8 ہزار روپے لینے کے بعد ہمیں جانے دیا گیا انٹرنیشنل کرکٹرز کراچی سے نیشنل ٹی 20 کپ کھیلنے کے بعد ملتان جارہے تھے۔
