اسرائیل اور امریکا کے ایران اور لبنان پر مسلسل حملوں کے نتیجے میں مزید 50 سے زائد شہادتوں کی تصدیق ہوگئی۔
اسرائیل اور امریکا کے ایران پر مسلسل حملے جاری ہے ۔ تہران، اصفہان اور یزد سمیت مختلف شہروں میں رات بھر دھماکوں کے باعث مزید 50 سے زائد شہادتوں کی تصدیق ہوگئی۔ تعداد 250 سے تجاوز کرگئی۔
اسپتال، سرکاری ٹی وی اور ریڈیو اسٹیشن نشانہ بنے۔ تبریز ایئرپورٹ پر دو ایرانی طیارے تباہ کردیے گئے ۔ ایرانی فوج نےدو امریکی ساختہ ایم کیو نائن ڈرون مار گرائے۔ ایران کے صوبے فارس میں امریکی اور اسرائیلی حملوں میں 35 افراد جاں بحق ہوگئے۔
دوسری جانب لبنان پر اسرائیلی بمباری کے نتیجے میں جاں بحق افراد کی تعداد 31 ہوگئی۔ لبنانی وزارت صحت کے مطابق اسرائیلی حملے میں 149 افراد زخمی بھی ہوئے۔
ایران نے جوابی کارروائی میں اسرائیل پر 100 سے زائد میزائل برسادیئے۔ 11 افراد ہلاک ہوگئے ۔ 777 زخمی ہوگئے ۔ تل ابیب اور وسطی علاقوں میں سائرن بج اٹھے ۔ لوگ شیلٹرز میں دبک گئے۔
