کویتی وزارت دفاع کے مطابق امریکا کے متعدد طیارے گرے ہیں تاہم امریکی پائلٹ محفوظ ہیں۔
ترجمان کویتی وزارت دفاع کا کہنا ہے کہ امریکی افواج کے ساتھ رابطے میں ہیں، طیارے گرنے کی وجوہات جاننے کی کوشش کررہے ہیں۔
قبل ازیں یہ خبر آئی تھی کہ کویت میں امریکی ساختہ ایف ففٹین طیارہ گر کر تباہ ہوگیا طیارے کے دونوں پائلٹ ایجیکٹ کرنے میں کامیاب ہوگئے۔ میڈل ایسٹ آئی کی رپورٹ کے مطابق ایف ففٹین طیارے امریکی فضائیہ کے زیر استعمال ہیں۔ پائلٹ امریکی تھے یا اسرائیلی ابھی تصدیق نہ ہوسکی۔
الجزیرہ کے نمائندے بتایا کہ ایک خاتون اور ایک مرد پائلٹ بحفاظت زمین پر اترنے میں کامیاب رہے۔ امریکا اور کویتی حکام کی جانب سے طیارے گرنے کی تصدیق سامنے نہ آسکی۔
سوشل میڈیا پر جاری ویڈیوز میں مقامی افراد کو پائلٹوں کا سامنا کرتے ہوئے اور انہیں گاڑی میں بیٹھا کر لے جاتے ہوئے دیکھا جاسکتا ہے۔ دونوں پائلٹوں کی پیرا شوٹ کے ذریعے نیچے آتے ہوئے بھی ویڈیو سامنے آئی ہے۔
⚡️🚨 BREAKING: American warplane crashes over Kuwait pic.twitter.com/FoyCUv1MpQ
— Iran Military (@Voiceforfreefom) March 2, 2026
واضح رہے کہ کویت میں صبح سے اب تک تیسری بار سائرن بج رہے ہیں، کچھ دیر پہلے کویت نے ایرانی ڈرون تباہ کرنے کا دعویٰ کیا تھا۔
کویت میں امریکی سفارتخانے سے بھی دھواں اٹھ رہا ہے، کچھ دیر پہلے ایران نے کویت پر ڈرون حملہ کیا تھا، کویت میں ایرانی ڈرونز کا ملبہ گرنے سے دو افراد زخمی ہوگئے۔ ڈرونز کا ملبہ مینا الاحمدی ریفائنری کے قریب گرے ہیں۔
ایرانی میڈیا کے مطابق ایران نے امریکا کا ایک اور ایم کیو 9 ڈرون مار گرایا، امریکی اسٹرائیک ڈرون کو اصفہان کی فضاؤں میں تباہ کیا گیا۔
