علی لاریجانی نے امریکا سے رابطوں کی تردید کرتے ہوئے کہا ایران امریکا کے ساتھ مذاکرات نہیں کرے گا۔
ایرانی نیشنل سیکیورٹی کونسل کےسربراہ علی لاریجانی نے اپنے نئے بیان میں کہا ٹرمپ نے اپنے تصوراتی خیالات کے ذریعے خطے کو افراتفری میں دکھیل دیا،ٹرمپ کومزیدامریکی فوجیوں کی ہلاکتوں کا خوف لاحق ہے،ٹرمپ نے امریکا فرسٹ پالیسی کو اسرائیل فرسٹ میں بدل دیا۔
علی لاریجانی نے مزید کہا اسرائیل کی اقتدار کی ہوس کیلئے امریکی فوجیوں کو قربان کر دیا،آج ایرانی قوم اپنے دفاع میں کھڑی ہے،ایران کی مسلح افواج نے جنگ میں پہل نہیں کیا۔
خیال رہے کہ وائٹ ہاؤس کی جانب سےجاری بیان میں کہاگیاکہ ٹرمپ نئے ایرانی رہنماؤں سےبات چیت کےلیے تیارہیں،ایران کے نئے رہنماؤں نے مذاکرات کی خواہش ظاہر کی ہے۔
