ایران پر حملوں کے بعد تیل کی عالمی قیمتیں بڑھنے کے خدشے کے پیش نظر وزیراعظم نے پیٹرولیم مصنوعات کی عالمی سپلائی اور قیمتوں کی نگرانی کیلئے خصوصی قائم کردی۔
عالمی منڈی پر نظر رکھنے کیلئے اعلیٰ سطح کی کمیٹی کے قیام کا نوٹیفکیشن جاری کردیا گیا، وفاقی وزیر خزانہ 18 رکنی کمیٹی کے کنوینئر ہوں گے۔ کمیٹی روزانہ اجلاس کرکے رپورٹ وزیراعظم کو پیش کرے گی۔
اعلامیے کے مطابق پیٹرولیم، توانائی اور خزانہ کے دیگر اعلیٰ حکام بھی کمیٹی میں شامل ہیں، اسٹیٹ بینک، ایف بی آر اور اوگرا نمائندے بھی کمیٹی کا حصہ ہوں گے۔ کمیٹی تیل کی عالمی سپلائی اور قیمتوں پر مسلسل نظر رکھے گی، کمیٹی پیٹرولیم سپلائی متاثر نہ ہونے کیلئے حکمت عملی تیار کرے گی۔ طویل جنگ کی صورت میں معاشی اثرات کا بھی جائزہ لیا جائے گا۔
کمیٹی روزانہ کی بنیاد پر اجلاس کرکے وزیراعظم کو رپورٹ پیش کرے گی، پیٹرولیم ڈویژن کمیٹی کو بطور سیکرٹریٹ تعاون فراہم کرے گی۔
واضح رہے کہ ظہیر علی ایران کے آبنائے ہرمز کی بندش سے ایک دن میں عالمی مارکیٹ میں پٹرولیم مصنوعات کی قیمتیں بڑھ گئی۔ امریکی خام تیل،برطانوی اور گلف مارکیٹ میں تیل کی قیمتوں میں اضافہ دیکھا گیا۔
امریکی خام تیل کی فی بیرل قیمت میں 5 ڈالر تک کا بڑا اضافہ ہوگیا، امریکی خام تیل 67ڈالر 2سینٹ سے بڑھ کر 72ڈالر 2سینٹ فی بیرل ہوگیا، برطانوی خام تیل کی قیمت 72 ڈالر87 سینٹ سے 78 ڈالر 34 سینٹ ہوگئی۔
آبنائے ہرمز کے راستے روزانہ تیل کے 30 سے 40 جہاز گزرتے ہیں، یہ بحری راستہ دنیا کو 20 فیصد سے زائد تیل کی سپلائی کرتا ہے، یہ بحری راستہ 30 فیصد سے زائد گیس سپلائی کا روٹ بھی ہے، روٹ کی بندش طویل ہونے سے تیل کی قیمتوں میں مزید اضافے کا خدشہ ہے، دنیا بھر میں گیس اور پٹرولیم مصنوعات کی قیمتیں بھی بڑھ جائیں گی۔
