امریکی صدرڈونلڈٹرمپ نےکہاخلیج ریاستوں کو ایران پرحملے کیلئے امریکا کے ساتھ شامل ہونےکی ضرورت ہے
امریکی صدرڈونلڈٹرمپ نے نیویارک ٹائمز سےگفتگو میں ایران کی نئی قیادت سے مذاکرات کی تیاریوں کا عندیہ دیدیا،کہا نئی قیادت تعاون کرے تو میں پابندیاں ہٹانے کےلیےتیارہوں، ایران بہت کمزور ہو چکا ہے،یقین ہےآخر میں امریکا اور اسرائیل کی بات مان لے گا۔
امریکی صدر نےکہا مقاصد حاصل ہونےتک فوجی کارروائی جاری رہےگی،ہم نے ایران میں سیکڑوں اہداف کو نشانہ بنایا، فوجی تنصیبات،فضائی دفاعی نظام، 9 بحری جہازوں پر بھی حملے ہوئے، ایرانی فوج اور پولیس ہتھیار ڈال دیں، معافی حاصل کریں،امریکا ایرانی عوام کے ساتھ ہے
اس سےقبل امریکی صدر نےبرطانوی اخبارڈیلی میل سےگفتگو میں کہاایران کےساتھ جاری تنازع تقریباً چار ہفتےتک جاری رہ سکتا ہے،امریکا کے مزید جانی نقصان کا امکان ہے،ایران کے میزائل اورجوہری ہتھیار ہر امریکی کے لیے خطرہ ہیں۔
وائٹ ہاؤس کی جانب سے جاری بیان میں کہا گیا کہ ٹرمپ نئے ایرانی رہنماؤں سے بات چیت کے لیے تیارہیں،ایران کے نئے رہنماؤں نے مذاکرات کی خواہش ظاہر کی ہے،امریکی فوجی کارروائی فی الحال جاری رہے گی۔
امریکی اور اسرائیلی جنگی کارروائیاں ایران کے خلاف بڑے پیمانے پرجاری ہیں،جن میں ایران کےمختلف فوجی اور سویلین اہداف پر حملے جاری ہیں،تازہ حملوں میں 20 شہری شہید ہوگئے،تہران اوراہواز بھی اسرائیل نے اسپتال ،ٹی وی اسٹیشن ،پولیس اسٹیشن پر حملے کئے۔
