ایران نے مشرق وسطیٰ میں موجود امریکی بحری بیڑے ابراہم لنکن پر حملہ کر دیا۔
پاسدران انقلاب ایران نے دعویٰ کیا ہے کہ امریکی بحری بیڑے ابراہم لنکن پر 4 بیلسٹک میزائل داغے۔ پاسدران انقلاب نے کہا کہ امریکی ایم کیو 9 رپیر ڈرون تباہ کر دیا ، ایرانی حکام نے امریکی ڈرون کی تباہی کی ویڈیو بھی جاری کر دی۔
ترجمان امریکی سینٹ کام کے مطابق ایران کے میزائل حملے میں بحری بیڑے ابراہم لنکن کو کوئی نقصان نہیں پہنچا، آپریشن کے دوران 3 امریکی فوجی ہلاک جبکہ 5 زخمی ہوگئے۔
قبل ازیں ایران کی جانب سے اسرائیلی اور امریکی اہداف پر نئے میزائل حملوں کا سلسلہ جاری ہے۔ اسرائیلی میڈیا کے مطابق اسرائیل کے زیر قبضہ علاقے بیت شیمیش میں ایرانی میزائل گر گیا، میزائل حملے میں 8 اسرائیلی شہری ہلاک جبکہ 27 زخمی ہوگئے۔ میزائل لگنے کے بعد گاڑیوں میں آگ بھڑک اٹھی۔
