ایرانی نیوی نے آبنائے ہرمز کو بند کرنے کا اعلان کردیا۔
بلومبرگ کےمطابق آبنائے ہرمز پر بحری جہازوں کی آمدو رفت رک گئی،آبنائے ہرمزکی جانب بڑھنے والے جہازوں کو واپس موڑ دیا گیا،بڑی تعداد میں بحری جہازوں آبنائے ہرمز کے قریب رکے ہوئے ہیں،آبنائے ہرمزتیل اور گیس کی بین الاقوامی نقل و حرکت کیلئے انتہائی اہم ہے۔
آبنائے ہرمز کی بندش سے خام تیل کی سپلائی متاثر اور قیمتیں بڑھنے کاخدشہ ہے،ایل پی جی کی قیمت 540 ڈالر سے 750ڈالر فی ٹن ہونے کا امکان ہے۔
خیال رہےکہ آبنائے ہرمز دنیا کی سب سے اہم بحری گزرگاہوں میں شمار ہوتی ہے جو خلیج فارس کو خلیج عمان اور بحیرہ عرب سے ملاتی ہے۔ اسی راستے تیل اور گیس دنیا بھر میں پہنچائی جاتی ہے۔
ماہرین کا کہنا ہےکہ دنیا کے تقریباً 20 فیصد خام تیل کی ترسیل اسی راستے سے ہوتی ہے جبکہ عالمی ایل این جی تجارت کا تقریباً پانچواں حصہ بھی اسی آبی گزرگاہ سے گزرتا ہے۔
