امریکی صدر ڈونلڈ ٹرمپ نے کہا ہے کہ امریکا نے ایران کے خلاف کچھ دیر پہلے آپریشن شروع کر دیا ہے۔
امریکی صدرڈونلڈٹرمپ نےاپنے بیان میں کہاہمارامقصد امریکی عوام کی سیکیورٹی یقینی بنانا ہے، ایرانی رجیم کی جانب سےخطرےکوختم کررہے ہیں،انھیں کبھی ایٹمی ہتھیار حاصل کرنے نہیں دیں گے، ایران اپنےایٹمی پروگرام کودوبارہ شروع کرنا چاہتا تھا،وہ لانگ رینج میزائل بنارہا ہےجو امریکا کیلئے خطرہ ہیں۔
ڈونلڈ ٹرمپ نےمزیدکہا امریکی فوج ایک جامع آپریشن میں مصروف ہے،ہم انکے میزائل پروگرام کو نیست و نابود کرنے جارہے ہیں،ہم ایران کی نیوی کو بھی ختم کریں گے،ہم یقینی بنائیں گے کہ ایران ایٹمی ہتھیار بنانے میں کامیاب نہ ہو، ہوسکتا ہے ہمیں جانی نقصانات کا سامنا کرنا پڑے،ہماری کوشش ہوگی کہ خطے میں امریکیوں کو کم سے کم نقصان پہنچے،پاسداران انقلاب ہتھیار ڈال دے ان سے اچھا سلوک کیا جائے گا۔
واضح رہےکہ اب سےکچھ دیرپہلے امریکا اور اسرائیل کی جانب سے ایران پر مشترکہ حملہ کیا گیا ہے، دارالحکومت تہران پرفضا اورسمندرسےمیزائل داغےگئے،صدارتی محل اور خامنہ کی رہائشگاہ کے قریب7 میزائل گرے۔
امریکی حکام کا کہنا ہےکہ ایران پر فضا اورسمندر سےحملے کیےجارہے ہیں،حملوں میں صرف عسکری اہداف کو نشانہ بنایاجارہا ہے،امریکی بیسز کےتحفظ کیلئے بحری بیڑے مشرق وسطیٰ منتقل کیے گئے تھے۔
