محکمہ جنگلی حیات نے غیرقانونی شکار کے خلاف کارروائی کرتے ہوئے کتوں کے ذریعے خرگوش کا شکار کرنے والے پانچ ملزمان کو گرفتار کر لیا۔ محکمہ وائلڈ لائف کے مطابق گرفتار ملزمان پر مجموعی طور پر ڈیڑھ لاکھ روپے جرمانہ عائد کر دیا گیا ہے۔
دوسری جانب سوشل میڈیا پر تیتر کی خرید و فروخت میں ملوث دو ملزمان کے خلاف بھی کارروائی عمل میں لائی گئی۔ محکمہ جنگلی حیات نے دونوں ملزمان کو گرفتار کر کے 80 ہزار روپے جرمانہ عائد کیا۔
حکام کے مطابق ملزمان کے قبضے سے برآمد کیے گئے 25 تیتر بازیاب کروا کر جنگل میں آزاد کر دیے گئے۔
