قومی اسمبلی کی قائمہ کمیٹی برائے غذائی تحفظ نے آئندہ مالی سال کے لیے وزارت غذائی تحفظ کیلئے 16ارب 94 کروڑ روپے سے زائد کے تیرہ منصوبوں کی منظوری دے دی ۔ کمیٹی اجلاس میں سینیٹ کمیٹی اجلاس میں کیمل پراجیکٹ کو اونٹ سمجھنے کے معاملے کی باز گشت بھی سنائی دی۔
سید حسین طارق کی سربراہی میں قومی اسمبلی کی قائمہ کمیٹی کے اجلاس میں وزارت غذائی تحفظ کے حکام نے بریفنگ دی ۔ قائمہ کمیٹی نے آئندہ مالی سال کیلئے وزارت غذائی تحفظ کے سولہ ارب چورانوے کروڑ روپے کے تیرہ منصوبے منظور کرلئے ۔ تھر میں لائیو اسٹاک کی بہتری و تحفظ کا تھرکیمل کا ایک اب اٹھائیس کروڑ کا منصوبہ بھی شامل ہے۔ تھرکیمل منصوبے کو سینیٹ کمیٹی میں اونٹ سمجھنے پر قومی اسمبلی کے کمیٹی ارکان نے تعجب کا اظہار کیا۔ کہا عجیب بات ہے کہ ایوان بالا کے ممبران تھر کیمل منصوبے کو اونٹ منصوبہ سمجھتے رہے ۔ سینیٹ کمیٹی ارکان نے وزارت کے حکام کو سنا تک نہیں اور پندرہ منٹس بحث کے بعد معلوم ہوا کہ یہ اونٹ نہیں کمیونٹی پراجیکٹ تھا۔
