پاکستان سپر لیگ سے وابستہ ٹیم سیالکوٹ اسٹالینز کے مالک کامل خان نے ٹیم سے علیحدگی کا باضابطہ اعلان کر دیا،انہوں نے بتایا کہ یہ فیصلہ انتظامیہ کے بعض فیصلوں پر غور و فکر کے بعد کیا گیا۔
کامل خان نےسماجی رابطے کے پلیٹ فارم ایکس (سابقہ ٹوئٹر) پر بیان میں کہا کہ پاکستان کرکٹ سے گہری محبت کے باعث انہوں نے سیالکوٹ اسٹالینز کی قیادت سنبھالی اورخلوصِ نیت کے ساتھ کرکٹ امور کی ذمہ داریاں ادا کیں۔
ان کے مطابق مختصر مدت میں ٹیم نے نمایاں پیش رفت کی، جس میں Steve Smith کو اسکواڈ کا حصہ بنانا، Tim Paine کی تقرری اور عالمی اسپورٹس برانڈ New Balance کے ساتھ شراکت داری شامل ہے۔
کامل خان کا کہنا تھا کہ اگرچہ انہوں نے علیحدگی کا فیصلہ کچھ وقت قبل کر لیا تھا، تاہم وہ چاہتے تھے کہ باضابطہ طور پر الگ ہونے سے پہلے سیالکوٹ اسٹالینز محفوظ ہاتھوں میں ہو۔
اپنے بیان کے اختتام پر انہوں نے ٹیم سے وابستہ تمام افراد کے لیے نیک تمناؤں کا اظہار کرتے ہوئے کہا کہ اسٹالینز کے ساتھ ان کا سفر اب اختتام پذیر ہو چکا ہے۔
اوزی گروپ نےپی ایس ایل شروع ہونے سےقبل سیالکوٹ اسٹالیئنزکو فروخت کردیا
سی ڈی وینچرزکےگوہرشاہ نےسیالکوٹ اسٹالینزکے اٹھانوےفیصدشیئرزخریدلیے،جس کے بعد فرنچائزکا کنٹرول عملی طور پرنئی انتظامیہ کے پاس منتقل ہوگیا،آٹھ جنوری کو ہونےوالی نیلامی میں اوزی گروپ نے سیالکوٹ اسٹالینز کو ایک سو پچاسی کروڑ روپےمیں خریدا تھا۔
