معروف نعت گو اور مزاحیہ شاعر سید سلمان گیلانی لاہور میں انتقال کر گئے ۔ سید سلمان گیلانی طویل عرصے سے علیل تھے۔
سید سلمان گیلانی انیس سو اکاون میں لاہورمیں پیدا ہوئے اور زندگی بھر ادب، مذہب اور سماجی مسائل پرلکھا،انکی کتاب"میری باتیں ہیں یاد رکھنےکی" بھی کافی مقبول رہی جس میں ان کی یادداشتیں اور واقعات شامل ہیں۔
سید سلمان گیلانی بلند پایہ شاعر ، باکمال نعت خواں اور مزاحیہ انداز میں سماجی مسائل پر شاعری کے لیے مشہور تھے،طنزیہ کلام میں ان کا منفرد انداز تھا،سید سلمان گیلانی کی وفات پر ادبی حلقے سوگوار ہیں،اہل خانہ کے مطابق سید سلمان گیلانی دل اور جگر کے عارضہ میں مبتلا تھے ۔
شیخ زید اسپتال لاہور میں زیرعلاج تھےجہاں وہ آج انتقال کرگئے،سلمان گیلانی 74برس کے تھے ۔ مرحوم کے پسماندگان میں ایک بیٹا اور دو بیٹیاں شامل ہیں،سید سلمان گیلانی کی نماز جنازہ اتوار دوپہر ڈیڑھ بجے جامعہ اشرفیہ میں ادا کی جائے گی۔
