پنجاب کے ضلع راولپنڈی میں افسوسناک ٹریفک حادثے کے نتیجے میں دو پولیو ورکرز جاں بحق ہوگئے۔
راولپنڈی پولیس حکام کے مطابق اڈیالہ روڈ پر افسوسناک حادثہ پیش آیا جہاں دو موٹر سائیکلز آپس میں ٹکرا گئیں جس کے نتیجے میں 2 پولیو ورکرز جاں بحق ہوگئے۔
حکام کے مطابق جاں بحق ہونے والوں میں یاسمین اور مسکین شامل ہیں ، یاسمین موقع پر ہی دم توڑ گئی تھیں جبکہ مسکین زخمی حالت میں ہسپتال منتقل کئے جانے کے دوران جاں بحق ہوا۔
ریسکیو حکام کے مطابق پولیو ورکر صالحہ شدید زخمی ہوئی جسے طبی امداد کے لئے اسپتال داخل کرا دیا گیا ہے۔
حکام نے بتایا کہ موٹرسائیکل سوار بھی حادثے میں زخمی ہوا جس کی شناخت ارسلان کے نام سے ہوئی اور اسے بھی ہسپتال منتقل کر دیا گیا ہے۔
