خیبرپختونخوا کے ضلع بنوں میں تھانہ میریان کے قریب زوردار دھماکا ہوا ہے۔
پولیس کے مطابق تھانہ میریان کے قریب دھماکا میں 2افرادجاں بحق جبکہ 12زخمی ہوگئے۔ جاں بحق ہونے والوں میں 9سال کا بچہ بھی شامل ہے۔ دھماکے سے متعلق سی پی او کو ابتدائی رپورٹ موصول ہوگئی۔
واضح رہے کہ دو روز قبل بھی باجوڑ میں پولیس تھانے پر نامعلوم افراد کی فائرنگ سے ایڈیشنل ایس ایچ او شہید ہوگئے تھے۔ ضلع باجوڑ کے تحصیل واڑہ ماموند علاقہ عمرے میں واقع تھانہ واڑہ ماموند پر گزشتہ رات نامعلوم مسلح افراد نے حملہ کیا۔
پولیس نے بھرپور جوابی کاروائی کی۔ ڈیوٹی پر موجود ایڈیشنل ایس ایچ او گل مانو دین فائرنگ کی زد میں آنے سے شہید ہوگئے۔
