تحریک انصاف اور تحریک تحفظ آئین پاکستان کا پارلیمنٹ ہاؤس میں دھرنا دوسرے روز بھی جاری ہے۔
سینیٹ میں اپوزیشن لیڈر علامہ راجا ناصر عباس اور قومی اسمبلی میں اپوزیشن لیڈر محمود اچکزئی دھرنے کی قیادت کر رہے ہیں۔ چیئرمین پی ٹی آئی بیرسٹر گوہر،اسد قیصر، سلمان اکرم راجا،اعظم سواتی،مشعال یوسفزئی اور فلک ناز چترالی بھی موجود ہیں۔۔ علی ظفر،ذیشان خانزادہ،شیر علی ارباب،فیصل جاوید ،نورالحق قادری ، گوردیپ سنگھ، شاندانہ گلزار اور دیگر بھی دھرنے کا حصہ ہیں ۔ ارکان نے گزشتہ رات پارلیمنٹ کی راہداری میں بسر کی۔ مظاہرین کرسیوں اور چٹائیوں پر بیٹھے رہے ۔ پولیس اور انتظامیہ کی جانب سے پارلیمنٹ کے اندر جانے کے لئے بدستور سختی جاری ہے۔
