پارلیمنٹ ہاؤس میں اپوزیشن کے اراکین پارلیمان کے دھرنے کا دوسرا روز جاری ہے جس دوران چیئرمین پی ٹی آئی بیرسٹر گوہر نے گفتگو کرتے ہوئے کہا کہ حکومت غلطیاں کرتی رہے گی لیکن ہم بڑا واضح پیغام دینا چاہتےہیں، بانی کو صحت کی متعلقہ سہولیات ملنے تک ہمارا دھرنا جاری رہے گا۔
تفصیلات کے مطابق بیرسٹر گوہر کا کہناتھا کہ بانی پی ٹی آئی کو جیل سےشفاء انٹرنیشنل اسپتال میں منتقل کیا جائے، بانی کا اُن کے معالج سمیت بہترین ڈاکٹرز سے علاج کرایا جائے، یہ بانی پی ٹی آئی کا حق ہے ، سہولت دینا ریاست کی ذمہ داری ہے، آج دوسرا دن ہے ، چاہے ہمیں دو ہفتے بھی بیٹھنا پڑے تو یہاں رہیں گے، ہم پرامن رہیں گے لیکن مشن پورا ہونے تک یہاں سے اٹھیں گے نہیں، بانی پی ٹی آئی کی صحت کے حوالے سے کوئی سمجھوتا نہیں ہوگا، پھر درخواست کرتے ہیں ، دیر نہ کریں یہ مطالبہ پورا کیا جائے ۔
