امریکی ریاست ورماؤنٹ میں فائرنگ سے تین فلسطینی نوجوان زخمی ہوگئے۔
تفصیلات کےمطابق فائرنگ سے زخمی ہونے والے تینوں فلسطینی نوجوانوں کی شناخت ہشام اوارتانی ،کنان عبدل حامد اور تحسین احمد کے نام سے ہوئی ہے۔ تینوں فلسطینی نوجوان امریکا کی تین مختلف یونیورسٹیوں میں زیرتعلیم ہیں۔
تینوں نوجوان فلسطینی کفایا پہنے ایک تقریب میں شرکت کرنے جا رہے تھےاسی دوران انھیں برلنگٹن میں فائرنگ کرکے زخمی کردیا گیا۔زخمیوں سے دو کی حالت تشویش ناک ہے۔
پولیس کا کہنا ہے کہ حملے کے پیچھے محرکات معلوم نہیں ہوسکے۔جبکہ اہل خانہ نے فائرنگ کو نفرت انگیز جرم قرار دیدیا ہے۔
