لاہور کے علاقہ چوہنگ میں گھر میں فائرنگ سے45 سالہ شہری جاں بحق ہو گیا ۔
تفصیلات کے مطابق مقتول کی شناخت رمضان عرف ببی بٹ کے نام سے ہوئی ہے ، پولیس کے مطابق فائرنگ کا واقعہ ذاتی دشمنی کا شاخسانہ ہے ، رمضان اور اس کی اہلیہ اپنے برادر نسبتی کے گھر آئے اس دوران تلخ کلامی کے باعث بات مزید بڑھ گئی اور ملزم نے گولی چلاتے ہوئے رمضان کو موت کے گھاٹ اتار دیا ۔پولیس نے موقع پر پہنچ کر لاش کو مردہ خانے منتقل کر دیا ہے اور مقدمہ درج کرتے ہوئے تحقیقات کا آغاز کر دیا ہے ۔
