عودی عرب میں ورلڈ ڈیفنس شو 2026 میں مستقبل کی دفاعی حربی تیاریوں اورمہارتوں کی نمائش میں پاک فضائیہ کی پروقار شرکت کی،سینکڑوں میل دور اور نظروں سے اوجھل اہداف کو نشانہ بنانے سمیت مثالی صلاحیتوں کے حامل جے ایف سیونٹین تھنڈر اور سپر مشاق تربیتی تیارے سب کی توجہ کا مرکز ہیں۔
ترجمان پاک فضائیہ کی جانب سےجاری بیان کےمطابق ورلڈ ڈیفنس شو 2026 دفاع اورسلامتی کے شعبے میں ایک ممتاز عالمی پلیٹ فارم کی حیثیت رکھتا ہے۔
اس نمائش میں پاک فضائیہ کی شرکت نے ایرواسپیس جدت، آپریشنل قابلیت اور قابلِ اعتماد دفاعی معاملات کے ابھرتے ہوئے مرکز کے طور پر پاکستان کی عالمی پوزیشن کو مزید مستحکم کیا ہے۔
ورلڈ ڈیفنس شو 2026 میں شرکت پاکستان کی تیزی سے ترقی کرتی مقامی ایرواسپیس صنعت اور پی اے ایف کی آزمودہ عملی صلاحیتوں کی عکاس ہے۔
پاکستان ایئرفورس کی مہارت بے مثال،بصیرت بے عیب تو وار تباہ کن،شو میں پاکستان کی شرکت ایرو اسپیس جدت اور آپریشنل قابلیت کا ثبوت ہے،جے ایف 17 بلاک 3 بی آنڈ ویژول رینج جنگی صلاحیتوں کا حامل 4.5 جنریشن فائٹر جیٹ،جدید اے ای ایس اے ریڈار، ایڈوانسڈ ایوی آنکس اور الیکٹرانک وارفیئر سسٹم سے لیس اور جدید فضائی جنگی تقاضوں کو پورا کرنے کی مکمل صلاحیت کا حامل ہے۔۔۔
ورلڈ ڈیفنس شو میں سپر مشاق بیسک ٹرینر ایئرکرافٹ بھی نمائش کیلئے پیش کیا گیا،پی اے ایف کی پائلٹ ٹریننگ مہارت اور انجینئرنگ صلاحیتوں کا شاہکارہے،سپر مشاق طیارہ کم لاگت، آسان مینٹیننس اور اعلیٰ کارکردگی کے باعث عالمی سطح پر مقبول ہے،سپرمشاق طیارے کو بنیادی فلائنگ تربیت کیلئے کئی دوست ممالک استعمال کر رہے ہیں
سعودی عرب ڈیفنس شو دنیا بھر کی دفاعی ٹیکنالوجی اور جدید دور میں مستقبل کے جنگی منظر ناموں کے ساتھ تجربات ، مہارتوں اور خدمات کے تبادلے کا بھی اہم پلیٹ فارم ہے۔
