چیئرمین تحریک انصاف بیرسٹر گوہر نے کسی ممکنہ مارچ کیلئے کنٹینر کی تیاری کی خبروں کو غلط قراردے دیا۔
سماء سے خصوصی گفتگو میں چئیرمین تحریک انصاف بیرسٹر گوہر نے کہا کہ بانی پی ٹی آئی نے احتجاج کا اختیار محمود اچکزئی اور علامہ ناصر عباس کو دیا ہے۔ ان دونوں شخصیات کی صوابدید ہے کہ وہ آئندہ کا لائحہ عمل ترتیب دیں۔
بیرسٹر گوہر کا کہنا تھا کہ کل اسلام آباد کی 300 یونین کونسل سمیت ہر جگہ لوگوں نے پہہ جام ہڑتال کامیاب کی، اگر ہمارے لئے سارے دروازے بند کئے جاتے ہیں تو پھرعوام کچھ نہ کچھ تو کریں گے۔




















